Bea Alonzo, Vincent Co malaya na sa kanilang relasyon, wala nang itinatago

PHOTO: Instagram/@beaalonzo.babies

MAY video post sa Instagram ang “beaalonzo.babies” na kasama ni Puregold President Vincent Co ang rumored girlfriend niyang si Bea Alonzo sa ginanap na Supplier’s Appreciation Night 2025 sa Okada Manila kagabi, Hunyo 7.

Base sa video ay maraming kausap si Vincent kasama si Bea at tila ipinakikilala na nito sa kanila na sila na lalo’t nakaakbay pa ang binata sa aktres.

May mga larawan ding pinost ang beaalonzo.babies na magkakasama sa isang dining table sina Vincent katabi si Bea, ang kapatid na babae ng negosyante at si Mrs. Susan Co na ina ng binata.

Nag-post din ng lumang video ang may-ari ng IG account na si Vincent ang kasama ni Bea sa nakaraang birthday dinner niya noong Oktubre, 2024 at ilang  mga kaibigan niya sa showbiz.

Sa madaling salita ay hindi lang ngayong taon magkasama sina Bea at Vincent kundi last 2024 pa.

Anyway, tulad ng nasulat na namin dito sa BANDERA na ipinakilala na raw ni Vincent si Bea sa kanyang pamilya at pabor naman sila sa aktres kaya malaya nang dumadalo ang dalawa sa mga events.

Wala namang nababangit ang aming source kung naipakilala na ni Bea si Vincent sa pamilya nitong naka-base sa Zambales.

Samantala, BeVico naman ang tawag ng supporters ni Bea sa kanila ni Vincent at lahat sila ay masaya para sa kanilang idolo.

Narito ang ilan sa mga nabasa naming komento mula sa netizens.

“LAYAGGGG BEVICO ACKKKKKKK.”

“Waaaaah! Ung kilig hanggang ngaun hindi mawala.”

“A change of environment for Bea, she’s now surrounded by business, successful people, she’s exposed to showbiz since she’s 14 yrs old. But she manage and can adapt quickly, Bea is flexible and smart.”

“Wah, ang sayaaaa na nakakakilig so happy for u our Queen!”

“Sobrang legal.”

“Nasa tamang pamilya ka.”

Sa tingin namin, mukhang hindi na magkakaroon ng public announcement sina Vincent at Bea dahil para sa kanila ay, “what you see is what you get” na ang kanilang relasyon.